Jer 45 | NdeIBE | STEP | Lokhu yikho uJeremiya umphrofethi akutshela uBharukhi indodana kaNeriya ngomnyaka wesine kaJehoyakhimi indodana kaJosiya inkosi yakoJuda, emva kokuba uBharukhi elobe emqulwini amazwi ayekhulunywe nguJeremiya esithi:

Jeremiah 45

Ilizwi KuBharukhi

1 Lokhu yikho uJeremiya umphrofethi akutshela uBharukhi indodana kaNeriya ngomnyaka wesine kaJehoyakhimi indodana kaJosiya inkosi yakoJuda, emva kokuba uBharukhi elobe emqulwini amazwi ayekhulunywe nguJeremiya esithi: 2 “UJehova uNkulunkulu ka-Israyeli uthi kuwe, Bharukhi:

3 Wena wathi, ‘Maye mina! UJehova usengezelele usizi ebuhlungwini bami; sengikhathele ngokububula njalo kangikutholi ukuphumula,’ ”

4 UJehova wathi, “Yitsho lokhu kuye uthi: “UJehova uthi: Ngizadiliza esengikwakhile ngisiphune esengikuhlanyele elizweni lonke.

5 Laphoke uzazifunela izinto ezinkulu na? Ungazidingi, ngoba ngizaletha umonakalo ebantwini bonke, kutsho uJehova, kodwa wena loba kungaphi oya khona ngizakwenza uphephe lokuphila kwakho.